«Манчестер Юнайтед» бош мураббийи сэр Алекс Фергюсон ўз жамоасининг 37 ёшли марказий яримҳимоячиси Пол Скоулз жорий мавсум сўнгида ўз карьерасини узил-кесил якунлаши учун сабаб кўрмаётганини айтиб ўтди.
«Биз ҳозирча у билан келажаги хусусида гаплашганимиз йўқ, лекин мен унинг қолмаслиги учун сабаб кўрмаяпман. Нега у яна бир мавсум ўйнамаслиги керак? Ўтган мавсум охирида унга 25-30 ўйинда майдонга тушишини ваъда бергандим. Бу унга етарли кўринмади чоғи, карьерасини тугатишга қарор қилди. Кейин олдимга келиб хато қилганини тан олди. Энди эса мен ҳақ бўлганимга гувоҳ бўлиб турибмиз. У ажойиб формада», — деди шотландиялик мутахассис.