«Навбаҳор» клуби идорасига ЎФФ дан расмий телеграмма келган. Унга кўра, клуб футболчиси Абдумалик Абдуллаев Ўзбекистон олимпия терма жамоасига таклиф этилади.

Бундан аввал ҳам Абдуллаев олимпиячилар йиғинларида қатнашган эди. Лекин жароҳати туфайли футболчи ўзини тўлиқ кўрсата олмаганди. Ўйлаймизки, навбатдаги имкониятдан ҳужумчи оқилона фойдаланиб, ўзини кўрсата олади.

Олимпиячиларимиз олдиндаги асосий вазифа – бу 14 март куни БАА олимпиячилари мағлуб этиб, Лондон Олимпиадаси йўлланмасини қўлга киритиш.

Эслатиб ўтамиз, «Навбаҳор»нинг қишки йиғинларида ўтказилган ўртоқлик учрашувларида Абдуллаев уч марта рақиб дарвозасини ишғол қилган.

Футболчи 7 март санасида олимпиячиларимиз йиғинига қўшилади. «Навбаҳор»дан терма жамоа таркибида Жаҳонгир Меҳмонов ҳам ҳаракат қилади.

Ҳусанбек АЗИЗОВ тайёрлади.