Мюнхенликлар турли вариантларни кўриб чиқмоқда.
"Бавария" ҳимоячиси Никлас Зюле катта эҳтимол билан жамоани тарк этади, дея хабар беради Германиянинг "Sport Bild" нашри. Футболчининг мюнхенликлар клуби билан шартномаси жорий мавсум охиригача ҳисобланган. Томонлар ҳозирча янги шартнома борасида келиша олмаяпти.
"Бавария" аллақачон Зюле ўрнига ўринбосар қидиришни бошлаган. Уларнинг қизиқишлари доирасида Маттиас Гинтер («Боруссия М») ва Антонио Рюдигер («Челси») бор. Бироқ бу футболчиларга бошқа даъвогарлар ҳам бор.
Аввалроқ, Зюленинг ўзи "Бавария"даги келажаги ноъмалумлиги ҳақида гапирганди.
