"Ливерпуль" устози Юрген Клопп "Престон"га қарши лига кубогидаги баҳсдан кейин ўз фикрлари билан ўртоқлашди. У бу ҳақда шундай дейди:
"Биз ўйин аввалида яхши ҳаракат қилдик. Рақиб узоқ паслардан фойдалана бошлади. Уларга қарши ҳимояланиш қийин кечди. Бизда ҳам уларда ҳам кўплаб имкониятлар бўлди. Ўйин жуда очиқ ва қизғин кечди. Биринчи бўлимда кўп вазият ярата олмадик. Кейингисида эса ҳаммаси биз учун ўнгланди. "Престон" қувноқ футбол кўрсатадиган жамоа экан. Стадиондаги муҳит зўр эди. Энг асосийси ҳеч ким жароҳат олмади. Биз эса мақсадимизга эришдик"
