"ПСЖ" юлдузи Неймар Бразилия терма жамоасидан кетиши билан боғлиқ хабарларга изоҳ берди. У бу ҳақда шундай дейди:
"Мен бунда бошқа маънони кўзлаган эдим. Аммо мухлислар буни нотўғри қабул қилишди. Ҳа, мен келаётган мундиални мен учун сўнгиси бўлиши мумкинлигини айтганман. Шу сабаб ҳам Жаҳон чемпионатида бор кучим билан, қўлимдан келганича жамоамга ёрдам берсам дейман. Келаётган Жаҳон чемпионати мен учун сўнггиси бўлиши мумкин. Негаки, эртанги кун қандай кечишини ва нималар содир бўлишини олдидан билиш мутлақо имконсиз иш. Мен айнан мана шу нуқтайи назардан гапирган эдим".
Неймар жамоаси жума куни ўз майдонида амалдаги Франсия чемпионлари, "Лилль"ни қабул қилишади.
