Ҳалқаро футбол федерацияси ўтган йили қайси ўйинчилар қаерга ўтди ва асосийси клублар бунга қанча сарфлашди, ҳаммасини ҳисоблаб чиқди. Энг сахийлар орасида Россия клублари ҳам ўрин олган.
Футбол агентлари орасида Жаҳон ва Европа чемпионатлари "Талантлар ярмаркаси" деб аталади, чунки бу мусобақалардан кейин кўплаб шов-шувли трансферлар амалга ошади. Бу йилги трансферлар ойнаси июль ойида, Европа чемпионатидан кейин очилади. Бу орада ФИФА 2011 йилги трансфер бозоридаги пул айланмасини ҳисоблаб чиқди. Натижалар жуда улкан сумма - 3 миллиард долларни кўрсатди. Футбол агентлари ҳам четда қолмадилар, улар 130 миллион доллар ишлаб топишган. Бу бир келишув учун 240 минг доллар демак.
Умуман олганда, дунё бўйича футболчиларнинг даромади йилига ўртача 244 минг долларга тўғри келади, Европада эса бу кўрсаткич йилига ўртача 675 минг долларга тўғри келяпти. Кўпчилик экспертлар, футболчиларнинг бунда й даражадаги даромадлари кўплаб клубларнинг банкрот бўлишига олиб келиши мумкин. Шусиз ҳам кўп клублар кредит ҳисобига яшамоқдалар.
