«Манчестер Сити» бош мураббийи Роберто Манчинининг қайд этишича, унинг клуби ҳар қандай шароитда ҳам келаётган ёзда ҳужумчи Серхио Агуэрони қўйиб юбормайди. Бу ҳақда «Sky Sports» хабар бермоқда.
Бир муддат аввал инглиз матбуотида манкунианлар Мадриднинг «Реал» клуби ҳужумчиси Гонсало Игуаинга қизиқиш билдираётгани, ўз навбатида, испан клуби бу футболчини, қўшимча ҳақ билан, Серхио Агуэрога алмаштиришга тайёр эканлиги ҳақида хабарлар пайдо бўлганди.
Қайд этиш жоиз, «Манчестер Сити»нинг аргентиналик ҳужумчиси ушбу мавсум 36 учрашувда майдонга тушиб, 21та гол уришга муваффақ бўлган.
«Игуаин – юқори савияли футболчи, таркибимизда айнан шундай футболчи бўлишини хоҳлардик. Бироқ биз ҳар қандай шароитда ҳам Агуэрони қўйиб юбормоқчи эмасмиз. Бу бўлиши мумкин эмас. Аргентиналик ҳужумчи «Манчестер Сити»ни тарк этмайди», деди «Манчестер Сити»нинг италиялик устози Роберто Манчини.
