Мюнхенликлар футболчиси Леон Горецка жароҳат олди.
26 ёшли германиялик футболчининг жароҳати ҳақида мюнхенликлар устози Юлиан Нагельсманн хабар берди.
“Леоннинг тўпиғи кўкарган. Кеча мен у билан телефонда гаплашдим, у сезиларли даражада тикланганга ўхшайди. Балки у майдонга туша олар, аммо биз аввало у машғулотларда ўзини қандай ҳис қилишини кўришимиз керак", - дея Нагельсманн сўзларидан иқтибос келтирган клуб расмий сайти.
Шу тариқа, ярим ҳимоячининг Германия чемпионатининг ҳафта охири бўлиб ўтадиган "Унион"га қарши ўйинида иштирок этиши сўроқ остида қолмоқда.
Жорий мавсумда Горецка жамоаси учун 12 ўйинда қатнашиб, 1 гол урди ва 2 ассистни амалга оширди.
