Myunxenliklar futbolchisi Leon Goreska jarohat oldi.

26 yoshli germaniyalik futbolchining jarohati haqida myunxenliklar ustozi Yulian Nagelsmann xabar berdi.

“Leonning to‘pig‘i ko‘kargan. Kecha men u bilan telefonda gaplashdim, u sezilarli darajada tiklanganga o‘xshaydi. Balki u maydonga tusha olar, ammo biz avvalo u mashg‘ulotlarda o‘zini qanday his qilishini ko‘rishimiz kerak", - deya Nagelsmann so‘zlaridan iqtibos keltirgan klub rasmiy sayti.

Shu tariqa, yarim himoyachining Germaniya chempionatining hafta oxiri bo‘lib o‘tadigan "Union"ga qarshi o‘yinida ishtirok etishi so‘roq ostida qolmoqda.

Joriy mavsumda Goreska jamoasi uchun 12 o‘yinda qatnashib, 1 gol urdi va 2 assistni amalga oshirdi.