«Лацио» сардори Стефано Маурининг фикрича, «Рома»га қарши бўлажак баҳс ғоят қизиқарли бўлади. Бу ҳақда «Il Corriere dello Sport» хабар бермоқда.
Яримҳимоячининг сўзларига кўра, «Лацио» ушбу учрашувга тўла тайёр ҳолатда. Эслатиб ўтамиз, Италия чемпионати 26-туридан ўрин олган Рим дербиси 4 март, якшанба куни, Тошкент вақти билан 19:00да бошланади.
«А» Серия биринчи даврасида, «Рома» номинал меҳмон бўлган учрашувда, «Лацио» иродали ғалабани қўлга киритганди.
«Ўйин жуда ҳам қизиқарли ва томошабоп бўлишига ишончим комил. Майдонда ҳиссиётлар жунбушга келиши аниқ. «Лацио» ушбу баҳсга тайёр ва фақат ғалабани мақсад қилмоқда», деди «Лацио» сардори Стефано Маури.