"Интер" расмий сайтида ярим ҳимоячи Кристиан Эриксеннинг ҳолати ҳақида баёнот эълон қилди.

"Нерадзуррилар" футболчига Италияда ўйнаш тақиқланганини таъкидлаб ўтди. Маҳаллий қонунларга кўра юрак дефибрилаторига эга бўлган спортчиларнинг машқ қилишга рухсат йўқ. Шифокорлар Эриксендан қурилмани олиб ташлашга ҳали эрта, деб қарор қилишди. Футболчи эса шу сабаб жамоа билан машғулот ўтказа олмайди.

Миланликлар мавсумнинг иккинчи ярмида ҳам ундан фойдалана олмайди. Шу муносабат билан "қора-кўк"лар 29 ёшли ярим ҳимоячини дефибрилатор билан ўйнаши мумкин бўлган бошқа мамлакат клубига қўйиб юборишга тайёрлигини очиқчасига маълум қилди.

Эслатиб ўтамиз, Эриксен Европа чемпионати вақтида юраги билан боғлиқ муаммоларга учраган эди.