"Inter" rasmiy saytida yarim himoyachi Kristian Eriksenning holati haqida bayonot e’lon qildi.

"Neradzurrilar" futbolchiga Italiyada o‘ynash taqiqlanganini ta’kidlab o‘tdi. Mahalliy qonunlarga ko‘ra yurak defibrilatoriga ega bo‘lgan sportchilarning mashq qilishga ruxsat yo‘q. Shifokorlar Eriksendan qurilmani olib tashlashga hali erta, deb qaror qilishdi. Futbolchi esa shu sabab jamoa bilan mashg‘ulot o‘tkaza olmaydi.

Milanliklar mavsumning ikkinchi yarmida ham undan foydalana olmaydi. Shu munosabat bilan "qora-ko‘k"lar 29 yoshli yarim himoyachini defibrilator bilan o‘ynashi mumkin bo‘lgan boshqa mamlakat klubiga qo‘yib yuborishga tayyorligini ochiqchasiga ma’lum qildi.

Eslatib o‘tamiz, Eriksen Yevropa chempionati vaqtida yuragi bilan bog‘liq muammolarga uchragan edi.