"ПСЖ" бош мураббийи Маурисио Почеттино Франция чемпионатининг 12-туридан ўрин олган "Лилль"га қарши ўйиндан сўнг (2:1), нега Мессини заҳирага олганини тушунтириб берди.
"Месси ҳақидаги янгиликлар? Биз кутишимиз керак. Танаффус вақтида шифокорлар билан боғландик. Унинг захирага олиниши эҳтиёт чораси эди. Умид қиламизки, унда жиддий жароҳат йўқ ва у кейинги ўйинда қатнаша олади", - дея мураббийнинг сўзларидан иқтибос келтирган "Culture PSG" нашри.
Аввалроқ аргентиналик 34 ёшли футболчи номаълум сабабларга кўра парижликларнинг умумий гуруҳ машғулотларида иштирок этмаганди.