"Россонерилар" раҳбарияти "Марсель" жамоаси ярим ҳимоячиси Бубакар Камара билан шартнома имзоламоқчи. Бу ҳақида "Calciomercato" нашри хабар берди.
Маълумотларга кўра, 21 ёшли ярим ҳимоячи "Марсель" билан амалдаги шартномасини янгиламоқчи эмас. Унинг клуб билан тузган келишуви 2022 йилнинг июнигача амал қилади. Франция клуби раҳбарияти футболчининг жамоани тарк этишидан фойда олмоқчи ва унга қизиқаётган "Милан" билан музокараларни бошлашга тайёр.
Бу мавсумда Камара "Марсель" учун 11 ўйин ўтказиб, 1 гол урди. Transfermarkt портали футболчининг нарҳини 28 миллион еврога баҳолаган.