"ПСЖ" спорт директори Леонардо Серхио Рамоснинг жамоа таркибида майдонга тушмаслигидан муаммо кўрмаяпти.
"Испан матбуоти Рамоснинг жароҳатини кенг тарғиб қилмоқда. Аммо биз аввалдан футболчининг ҳолатини билардик. Ҳозир Серхио ўзини анча тиклаб олди ва яқин орада майдонга тушиши мумкин.
Рамос "Реал Мадрид"нинг етакчиси эди, у ҳақиқатдан жамоани ўз орқасидан етаклай олади. Биз шунинг учун уни Парижга таклиф қилдик", – деди Леонардо.
Эслатиб ўтамиз, испаниялик 34 ёшли футболчи ёзда клуб сафига келиб қўшилганди, аммо жароҳати туфайли ҳали бирорта ўйин ўтказмади.
