«Манчестер Юнайтед»нинг собиқ ҳимоячиси Гари Невилл жамоа ҳавбеки Жейдон Санчонинг истиқболи ҳақида гапирди.
Ёзда «Боруссия» Дортмунддан келиб қўшилган 21 ёшли инглиз ҳозирча асосий таркибдан ўрин ололмаяпти. У манкунианликлар сафида 7та ўйинда майдонга тушиб, на гол урди ва на ассистни ўз ҳисобига ёздириб қўйди.
«Биласизми, ўйнамаётган ва захира ўриндиғида ўтирган Донни ван де Бек ҳақида ўйлай олмайман. Эҳтиёт бўлмаса, Санчо билан ҳам шундай бўлади.
У жамоа билан бир неча ёмон ўйинларда иштирок этди. У «бу ерда нима қиляпман?» деб ўйлаётган бўлиши мумкин. Чунки «Боруссия»да тизимли жамоа бор эди, «МЮ»да эса йўқ», — дея Невиллнинг сўзларини келтиради The Sun.