"ПСЖ" ҳужумчиси Лионель Месси Чемпионлар лигасининг 4-тури доирасида "Лейпциг"га қарши ўйинда иштирок этиши сўроқ остида. Бу ҳақда L'Équipe нашри хабар бермоқда.
Футболчида "Лилль"га қарши ўйин давомида мушакларда ноқулайлик пайдо бўлган ва бу ҳали ҳам давом этмоқда. Бундан ташқари, аргентиналикнинг тиззасида ҳам кичик муаммолар бор. Парижликлар бош мураббийи Маурисио Почеттино Германия клубига қарши ўйинда иштирок этиш борасида қарор қабул қилиш учун тиббий штабдан футболчининг аҳволи ҳақида қўшимча маълумот кутмоқда.
Шу билан бирга, қулоқ инфекциясига чалинган ҳужумчи Килиан Мбаппе ҳам "буқалар"га қарши ўйинда майдонга тушиши аниқ эмас.
