"Челси" бош мураббийи Андре Виллаш-Боаш Англия чемпионатининг  27-тур доирасида бўлиб ўтаган "Вест Бромвич"га қарши ўйиндаги мағлубиятни изоҳлаб ўтди.

"Тан олиш керак, "Вест Бромвич" ажойиб ўйин намойиш этди. Рақиб футболчилари ҳар доим тўп учун курашда биринчи бўлишди. Биз эса ўзимизнинг энг яхши ўйинимизни кўрсата олмадик. Афсуски, "Болтон"га қарши ўйиндаги ғалабадан сўнг, бу мувоффақиятли одимни давом эттира олмадик".

"Челси" бугун фақатгина дастлабки 10 дақиқада устунликка эга бўлди холос. Гол киритганимизда жамоада ўзига бўлган ишонч ортиши мумкин эди. Аммо тўғрисини айтганда, биз гол киритишга муносиб ўйин кўрсата олганимиз йўқ. "Вест Бромвич" бутун ўйин мобайнида биздан яхшироқ ўйнади ва биздан кўра кўпроқ голли вазиятлар яратди".

"Бу ўйинда яхши ўйин намойиш этган ягона футболчи — Эшли Коул. Қолган ҳамма — мураббийлар штабидан тортиб, футболчиларгача — ўз имкониятилари даражада ишлай олишмади".   

 "Ҳар қандай топ-клуб мураббийи мағлубиятдан сўнг кучли босимни ҳис қилади. Бугун мана шу босим яна кучайди".

"Уч кундан кейин "Челси" кубок бахсларида ўйнайди. Биз ўйинимизни 300 фоизга кучайтиришимиз керак!", — дея мураббий сўзларидан "Челси" расмий сайти иқтибос келтирмоқда.