"Ювентус" ҳимоячиси Данило жамоанинг Чемпионлар лигаси гуруҳ босқичи 4-тури доирасидаги "Зенит"га қарши ўйинга тайёргарлиги ҳақида фикр билдирди.
"Сешанба оқшомида бизни қийин ўйин кутиб турибди ва биз унга энг яхши тайёргарликни кўришимиз керак. Биз ҳар бир учрашувга боримизни бериб ўзимизни ҳудди финал ўйинида майдонга тушаётгандек ҳис қилишимиз керак", - деди Данило.
Эслатиб ўтамиз, “Ювентус” уч турдан сўнг 9 очко билан “H” гуруҳида биринчи, “Зенит” эса 3 очко билан учинчи ўринда бормоқда.
"Ювентус" – "Зенит" учрашуви 2-дан 3-ноябрга ўтар кечаси 00:45 да старт олади.
