"Манчестер Юнайтед" мухлисларига Чемпионлар лигаси 4-тури доирасида "Аталанта"га қарши ўйин олдидан Бергамодаги барда ҳужум уюштирилди, дея хабар беради La Gazette Dello Sport.
Манбанинг маълумотига кўра, воқеа 31 октябрдан 1 ноябрга ўтар кечаси содир бўлган. 20 кишидан иборат гуруҳ барга бостириб кириб, инглиз клуби мухлисларига ҳужум қилган. "Манчестер Юнайтед" мухлисларидан бири елкаси лат еган, бар ходими эса шиша парчаси туфайли жароҳатланган.
Эслатиб ўтамиз "Аталанта" - "Манчестер Юнайтед" учрашуви бугун, 2 дан 3 ноябрга ўтар кечаси соат 01:00 да старт олади.
