Мюнхенликлар бош мураббийи Юлиан Нагельсманн Чемпионлар лигаси 4-тури доирасидаги "Бенфика"га қарши ўйин олдидан жароҳатланганлар ҳақида фикр билдирди.
“Девис ҳали ҳам мушаклари билан боғлиқ муаммоларни бошдан кечирмоқда. Унинг майдонга тушиши ҳақда эртага қарор қабул қиламиз. Горетцка нормал формасига қайтди. Ўйлайманки, Эрнандес ҳам эртага ўйнай олади.
Толиссо? У охирги ўйинни яхши савияда ўтказди. У руҳан кучли футболчи. Мен жамоада шундай футболчилар кўпайишини хоҳлайман. Толиссонинг савияси яхши эканини машғулотларда ҳам кўряпмиз. Агар футболчи яхши формада бўлса, бу бизнинг муваффақиятимизга катта таъсир қилади", - деди Нагельсманн "Бавария" матбуот хизматига берган интервьюсида.
Эслатиб ўтамиз, "Бавария" - "Бенфика" учрашуви 2 дан 3 ноябрьга ўтар кечаси 01:00 да старт олади.
