"Астон Вилла" Дин Смит ўрнига янги мураббий сифатида Пауло Фонсека вариантини кўриб чиқмоқда. "Daily Mail" нашрига кўра, Фонсека ва клуб раҳбарияти ўртасида норасмий мулоқотлар бўлиб ўтган.
Ҳозирда Бирмингем клубининг турнир жадвалидаги аҳволини қониқарли деб бўлмайди. Жамоа Смит қўл-остида сўнгги иккита учрашувда йирик мағлубиятлар қабул қилиб олди. Шу сабаб, "Астон Вилла" раҳбарлари янги мураббий учун ҳаракат қила бошлаган.
Фонсека май ойидан буён ишсиз ҳисобланади. Унга яқин орада "Ньюкасл" жиддий қизиқаётганди. Шунингдек, "Тоттенхэм" ҳам Нуну ўрнига Фонсекани олиб келиши билан боғлиқ хабарлар мавжуд.
