"Аталанта" бош мураббийи Жан Пьеро Гасперини Сульшер ҳақида гапирди. У бу ҳақда шундай дейди:
"Мен фақат ҳозирда нима кўриб турган бўлсам, шуни гапира оламан. "МЮ" ўтган мавсум сўнгида ажойиб юриш намойиш эта олган эдилар. Улар мавсумни иккинчи ўринда якунлади. Кейин эса, Европа лигаси финалини бой бериб қўйди. Аммо Сульшер шубҳасиз ўшанда топ мураббийлигини кўрсатиб бера олганди. Бу йил унинг жамоаси ҳалиям барқарор ўйинга интилмоқда. Клуб футболчиларининг потенциали юқори, улар буни баъзида кўрсата олмоқда. Шахсан мен Сульшерни "МЮ" учун энг мос инсон деб биламан. У АПЛ ва Европада яна топ даража кўрсата олади".
Эслатиб ўтамиз, Гасперини жамоаси бугун тунда "МЮ"ни меҳмон қилади.
