"Манчестер Юнайтед" ҳужумчиси Криштиану Роналду жамоаси билан қандай мақсадларга эришмоқчи эканлигини айтди.
"Мен бу ерга клуб билан совринлар қўлга киритиш учун келганман. Агар жамоадаги барча шундай фикрда бўлса, бу ишни амалга ошириш мумкин бўлади", - деди Роналду DAZN нашрига берган интервьюсида.
Ҳужумчи жамоа ғалаба қозониши учун нималар қилиш кераклигини ҳам айтиб ўтган.
"Ўйинларга ижобий фикр билан тайёрланиб, ишончимиз ва бирламлигимизни сақлашимиз керак. Биз учрашувларда ғалаба қозонишимиз учун ўзимизни қурбон қилишимиз керак. Акс ҳолда, ҳеч нарса ютиб бўлмайди", - дея қўшимча қилган португалиялик тўпурар.
36 ёшли ҳужумчи жорий мавсумда Премьер-лигада 7 ўйин ўтказиб, 4 гол урган. Чемпионлар лигасида эса 3 ўйинда ҳудди шунча тўп киритган.
