Мадриднинг "Реал" жамоаси бош мураббийи Карло Анчелотти Чемпионлар лигаси доирасидаги "Шахтёр"га қарши ўйин ҳақида гапирди.
"Жамоамиз айни вақтда яхши ўйин намойиш қилмоқда ва бу мени қониқтирмоқда. Ўйинда ғалаба қозониш учун яхши режа ишлаб чиқишга ҳаракат қиламиз, чунки бу ўйин биз учун жуда муҳим. Нафақат бизга, балки бошқа жамоаларга ҳам муҳим.
Бу учрашувдаги натижа кўп нарсани ўзгартиради. Агарда мағлуб бўлсак, қолган икки ўйинда ғалаба қозонишга мажбур бўламиз. Агар ғалаба қозонсак, ўзимизни бир оз енгил ҳис қиламиз", - деди Анчелотти.
Эслатиб ўтамиз, "Реал Мадрид" – "Шахтёр" учрашуви 3 ноябрь куни Тошкент вақти билан 22:45 да бошланади.
