"МЮ"нинг собиқ футболчиси Пол Скоулз Сульшер жамоаси ҳақида фикр билдирди. У бу ҳақда шундай дейди:
"Яна жамоа тартибсизликлар ичида қолди. "Аталанта"га қарши ўйинда мен ҳақиқий жамоани ўйинини гувоҳи бўлмадим. Варан заҳирага олиниши билан мудофаа ўз ишини бажаришга қийналди. Майдон марказидаги назорат рақибга ўтиб кетди. Бундай ўйин билан шанба кунги дербидан хавотир ола бошладим. "Ман Сити" ўз имкониятларидан фойдаланиб кета оладиган жамоа. "МЮ" уларга қарши тўғри ҳимояланмаса, оқибати мағлубият билан тугайди. "Аталанта"га қарши баҳснинг иккинчи бўлимида Сульшер жамоаси бутунлай тартибсиз ҳимоя билан эсда қолди".
"МЮ" ва Сульшерни кеча Роналдунинг ҳар икки таймнинг сўнггида урган голлари мағлубиятдан қутқариб қолган эди.