УЕФА Чемпионлар лигаси 4-тури доирасдаги «Шериф» — «Интер» баҳси якунланди. Қизиқарли кечган учрашувда Италия клуби сафардан йирик ҳисобдаги ғалаба билан ортга қайтди. Учрашувдаги дастлабки гол иккинчи тайм бошида Марцело Брозович томонидан киритилди. Трасполликлар ҳимоясидаги хатодан сўнг, хорват футболчиси ўйиндаги ҳисобни очди — 0:1.

Ўйиннинг 66 дақиқасида миланликлар орадаги фарқни иккитага оширди. Бурчакдан ошириб берилган тўпни Шкриньяр «Шериф» дарвозасига киритиб ўйиндаги иккинчи голни урди — 0:2.

81 дақиқада заҳирадан майдонга тушган Алексис Санчес 1 дақиқадан сўнг ўз номига гол ёзиб қўйди. Молдова клуби сардори Атанасиадис йўл қўйган хатодан сўнг, чилилик футболчи 3-голни киритди —0:3.

Ўйинга қўшиб берилган дақиқаларда Траоре ҳисобни биттага қисқартиришга муваффақ бўлди — 1:3.

Учрашувнинг қолган дақиқалари ҳам курашларга бой ўтди. Аммо, бошқа гол уриш ҳар икки жамоага ҳам насиб қилмади.

«Шериф» — «Интер» - 1:3

Голлар: 0:1 – 54 Брозович, 0:2 – 66 Шкриньяр, 0:3 – 82 Санчес, 1:3 – 90 Траоре.

Шериф – Атанасиадис, Фернандо, Арболеда, Дуланто, Кристиано, Коловос (Бруно, 73), Тилль, Аддо (Раделич, 62), Траоре, Кастаньеда, Яхшибоев (Джульен, 82).

Интер – Ханданович, Дармиан (Думфрис, 46), де Врей (Раноккия, 85), Шкриньяр, Бастони, Димарко (Перишич, 64), Видаль, Брозович, Барелла, Джеко (Корреа, 81), Мартинес (Санчес, 82).

Огоҳлантиришлар: Аддо (35), Дармиан (43), Кристиано (51), Коловос (61), Фернандо (63), Шкриньяр (67)