Яқинда Sportrico томонидан ўтказилган тадқиқот натижалари эълон қилинди. Порталнинг асосий ихтисослиги бизнес бўлиб, бу сафар мутахассислар спортчилардан қайси бири ўз фаолиятида энг кўп пул ишлаб топганини таҳлил қилишди.

Ажабланарлиси, кучли 25 нафар спортчи орасидан, атиги 3 нафар футболчи жой олди – улар Криштиану Роналду, Лионель Месси ва Давид Бекхэмдир. Португалиялик жами 1,24 миллиард доллар даромад билан бешинчи ўринда, аргентиналик эса бутун фаолиятида Роналдудан 100 миллион доллар кам ишлаб топган ҳолда саккизинчи ўриндан жой олган.

Бекхэм эса бир миллиард евро миқдордаги даромад биланн иккинчи ўнликни очиб беради.

Маълумот ўрнида, энг бой спортчилар кучли учлигида баскетболчи Майкл Жордан ва гольфчилар Тайгер Вудс ва Арнолд Пальмер жой олишган.