Айни вақтда Испания чемпионатининг 13-туридан ўрин олган "Сельта" – "Барселона" учрашуви бўлиб ўтмоқда (0:3, 2-бўлим).

Учрашувдаги дастлабки гол муаллифи Ансу Фати 1-бўлимнинг 44-дақиқасида Хорди Альбанинг узатмасидан сўнг, тўпга югуриш вақтида жароҳат олди ва шифокорлар ёрдамида майдонни тарк этди. Унинг ўрнига иккинчи бўлимда Алехандро Бальде ўйинга тушурилди.

Унинг жароҳати қай даражада жиддийлиги қўшимча тиббий текширувлардан сўнг аниқ бўлади.

Жорий мавсум 19 ёшли футболчи Ла Лиганинг 4 учрашувида қатнашди ва 2та голни ҳисобига ёздириб қўйди.