Италия чемпионатида 12-тур ўйинлари бўлиб ўтмоқда.

Ҳамюртимиз Элдор Шомуродов ҳаракат қилаётган Римнинг "Рома" жамоаси бу турда "Венеция" меҳмони бўлди ва 2:3 ҳисобида имкониятини бой берди.

Биринчи бўлимнинг дастлабки дақиқалариданоқ мезбонлар Маттиа Кальдаранинг голи эвазига ҳисобда олдинга чиқиб олишди. Тайм якунида эса, юртдошимиз Элдор Шомуродов голи билан ҳисоб тенглашган бўлса, яна ўша Элдорнинг голли узатмасидан сўнг Темми Абраҳам гол уриб "Рома"ни танаффусга ғолиб сифатида чиқиб кетишини таъминлади.

Иккинчи бўлим мезбонлар устунлигида кечди. 65-дақиқада Арау пенальтидан ҳисобни тенглаштирди. Орадан 10 дақиқа вақт ўтиб Окереке "Венеция"нинг ғалаба голи муаллифига айланади. Якуний ҳисоб – 3:2

Италия чемпионати, 12-тур

"Венеция" – "Рома" - 3:2 (1:2,2:0)

Голлар: Кальдара, 3 (1:0). Шомуродов, 43 (1:1). Абраҳам, 45+1 (1:2). Араму, 65 (2:2). Окереке, 74 (3:2).

Венеция: Ромеро, Хапс, Чеккарони, Кальдара, Ампаду, Маццокки (Эбуэхи, 77), Араму (Тессманн, 77), Кийен (Модоло, 70), Чрнигой (Сигурдссон, 46), Бузио, Окереке (Анри, 89).

Рома: Руй Патрисиу, Карсдорп (Залевски, 83), Манчини, Кумбулла (Перес, 66), Роджер Ибаньес, Кристанте, Верету, Пеллегрини, Эль-Шаарави (Дзаньоло, 77), Шомуродов (Майораль, 83), Абрахам.