Italiya chempionatida 12-tur o‘yinlari bo‘lib o‘tmoqda.

Hamyurtimiz Eldor Shomurodov harakat qilayotgan Rimning "Roma" jamoasi bu turda "Venesiya" mehmoni bo‘ldi va 2:3 hisobida imkoniyatini boy berdi.

Birinchi bo‘limning dastlabki daqiqalaridanoq mezbonlar Mattia Kaldaraning goli evaziga hisobda oldinga chiqib olishdi. Taym yakunida esa, yurtdoshimiz Eldor Shomurodov goli bilan hisob tenglashgan bo‘lsa, yana o‘sha Eldorning golli uzatmasidan so‘ng Temmi Abraham gol urib "Roma"ni tanaffusga g‘olib sifatida chiqib ketishini ta’minladi.

Ikkinchi bo‘lim mezbonlar ustunligida kechdi. 65-daqiqada Arau penaltidan hisobni tenglashtirdi. Oradan 10 daqiqa vaqt o‘tib Okereke "Venesiya"ning g‘alaba goli muallifiga aylanadi. Yakuniy hisob – 3:2

Italiya chempionati, 12-tur

"Venesiya" – "Roma" - 3:2 (1:2,2:0)

Gollar: Kaldara, 3 (1:0). Shomurodov, 43 (1:1). Abraham, 45+1 (1:2). Aramu, 65 (2:2). Okereke, 74 (3:2).

Venesiya: Romero, Xaps, Chekkaroni, Kaldara, Ampadu, Massokki (Ebuexi, 77), Aramu (Tessmann, 77), Kiyen (Modolo, 70), Chrnigoy (Sigurdsson, 46), Buzio, Okereke (Anri, 89).

Roma: Ruy Patrisiu, Karsdorp (Zalevski, 83), Manchini, Kumbulla (Peres, 66), Rodjer Ibanyes, Kristante, Veretu, Pellegrini, El-SHaaravi (Dzanyolo, 77), Shomurodov (Mayoral, 83), Abraxam.