Испаниянинг «Барселона» клуби янги бош мураббийи Хави футбол бўйича Бразилия терма жамоаси бошқарувига ўтиш таклифини рад этганини айтди.

Каталония жамоаси 6 ноябрга ўтар кечаси Хави тайинланганини эълон қилди. Бугун «Камп Ноу» стадионида 41 ёшли мутахассиснинг таништирув маросими бўлиб ўтди.

- Бразилия футбол конфедерацияси билан музокаралар олиб борилди, - дея Хавининг сўзлрини келтиради The Athletic.
- Тите жамоасига қўшилиш, унинг ёрдамчиси бўлиш, навбатдаги жаҳон чемпионатидан кейин унинг ўрнини эгаллаш ҳақида гаплашдик. Лекин менинг устувор вазифам ҳар доим «Барса»га мураббий сифатида қайтиш бўлган, - дейди испан мутахассиси.

Хави «Барселона» бош мураббийи сифатида голландиялик Роналд Куманни алмаштирди.

1998 йилдан 2015 йилгача Хави «Барселона» футболчиси сифатида 767 ўйин ўтказган ва 25 марта чемпион бўлган. У Ла Лигада саккиз, Чемпионлар Лигасида тўрт марта ғалаба қозонган.