"МЮ"нинг собиқ ҳужумчиси Луи Саа Роналду ҳақида фикр билдирди. У "Marca" нашрига шундай дейди:
"Сульшер жамоасида у каби футболчи борлигидан фақат хурсанд бўлиши лозим. Негаки Роналду ўзга сайёралик футболчи. У дунёдаги исталган лига ёки жамоада ўйнай олади ва голлар ураверади. Унда бошқа ҳеч бир футболчида кузатилмайдиган ўз ишига бўлган фидойилик ва матонат бор. Мен у билан майдонда бемалол ва қийинчиликсиз ҳаракат қилардим. Чунки иккимиз ҳам қаттиқ ҳаракат қилардик. Агар Роналдуни жамоадош сифатида ёқтирмасангиз, демак сиз меҳнаткаш эмассиз. Бу жуда оддий ҳол. Мен у билан яна қайтадан майдонда ҳаракат қилишни жуда-жуда истаган бўлардим".
