«Челси»нинг испаниялик ярим ҳимоячиси Сауль Нигес январда «Атлетико»га қайтиши даргумон, дея хабар беради Маrca.
Ярим ҳимоячи «матрасчилар» лагеридан ижарага олинганидан сўнг Лондон клубида бор-йўғи 239 дақиқа ўйнади ва «кўклар» Саулни «Атлетико»га қайтаришни хоҳламоқда.
«Челси» бош мураббийи Томас Тухель ҳам ярим ҳимоячининг Испанияга қайтишига қарши эмас, аммо бу вариант «Атлетико»га ёқмайди.
Клублар ўртасидаги 2022 йилнинг 30 июнига қадар тузилган ижара шартномасида шартномани муддатидан олдин бекор қилиш имконияти йўқ.
