"Арсенал"нинг собиқ футболчиси, Пол Мерсон "МЮ" ҳақида гапирди. У "Sky Sports"га шундай дейди:
"Шахсий фикримга кўра, "МЮ" Роналдусиз яхшироқ жамоа эди. Улар ўтган мавсумнинг маълум қисмида махсус услуб — қарши ҳужумга таяниб мағлубиятсиз серия қайд эта олишганди. Энди Роналду билан олдингидай давом этмайди. Унинг даври тарихда қолган. Айтингчи, агарда ҳеч нима юта олмасангиз, мавсумда 20та гол урадиган ҳужумчидан нима фойда бор? Бу худди Кейннинг "шпорлар"даги тақдирига ўхшаб қолади. Хуллас, таркибда кўп гол урадиган, топ ҳужумчи бўлиши сизни якунда кучли тўртталикка киришингизни кафолатлай олмайди".
"МЮ" ҳозирда 17 очко тўплаган ҳолда, турнир жадвалининг 6 поғонасидан жой олган ва етакчи "Челси"дан 9 очкога ортда қолмоқда.
