"Ньюкасл"нинг янги тайинланган мураббийи Эдди Хау ўз фирклари билан ўртоқлашди. У ўз интервьюсида шундай дейди:
"Мен келганимдан кейин футболчилар билан суҳбат ўтказдим. Бу жуда ижобий руҳда кечди. Аммо мен кўп ҳам ўтмишга тўхталиб ўтирмадим. Чунки ҳаммаси жуда қисқа вақт ичида бўлиб ўтганини биламан. Биз энди турнирда кўтарилиш учун тез ва самарали иш олиб боришимиз лозим. Мақсадимиз ягона ва аниқ — биз лигада қолиш учун курашамиз. Ҳамманинг онгида шу нарса бўлиши шарт. Қолган нарсалар кутиб туради. Мен жамоани уддалай олишига ишонаман. Аммо ҳеч кимга ваъда беролмайман. Бизда лигада қолишимизни таъминлайдиган сеҳрли таёқча йўқ. Бунга вақт ва қаттиқ меҳнат керак бўлади. Клуб футболчиларининг ўйини менга ёқди. Аммо бунда бизга барқарорлик керак бўлади".
43 ёшли англиялик мутахассис душанба куни Стив Брюс ўрнига олиб келинган эди.