Ўзбекистон чемпионати қолдирилган 19-туридан ўрин олган "Сурхон" - "Насаф" учрашувидан "Насаф" катта мураббийи Шуҳрат Тошпўлатов беллашув ҳақида ўз фикрларини билдириб ўтди:

- "Бугун қизиқарли баҳсга гувоҳ бўлдик. Ҳисобда олдинга бораётган вақтимизда ҳотиржамликка берилдик ва бу бизга қимматга тушди.

Энди кейинги беллашувларга тайёргарлик кўришни бошлаймиз. Бизни олдинда Суперлигада учта ва Ўзбекистон Кубоги ярим финал баҳслари кутиб турибди. Ҳали ҳеч нарса йўқотилгани йўқ. Биз совринли ўринлар учун охиригача курашамиз" - деб ўз фикрларини якунлади мураббийимиз.

- "Насаф"нинг Баҳрайндаги мағлубияти бугунги ўйинга ўз таъсирини ўтказдими?

- Йўқ, йигитлар бугунги беллашувга яхши тайёргарлик кўришган эди. ОФК Кубоги финали тарихда қолди. Баҳрайндаги финал йигитларга катта мактаб вазифасини ўтади", - деди Тошпўлатов.