Айни вақтда «Ал-Айн» сафида ижара асосида тўп сураётган «Сандерленд» ҳужумчиси Асамоа Гьян БАА клубида қолиши мумкин.
«Ал-Айн» матбуот хизмати тарқатган хабарга кўра, клуб яқин вақт ичида ганалик ҳужумчини «қора мушуклар»дан сотиб олишга ҳаракат қилиб кўради. Бу ҳақда «Championat.com» интернет-нашри хабар бермоқда.
Айни вақтда, «Ал-Айн» матбуот хизмати Гьян яқин вақт ичида Қатар клубларидан бирига ўтиши мумкинлиги ҳақидаги хабарларни рад этди. БАА клуби ижрочи директори Карло Ноҳранинг сўзларига кўра, «Ал-Айн» футболчини биринчилардан бўлиб сотиб олиш ҳуқуқига эга.
