Ҳужумчи Черноргория терма жамоасига қарши ўйинда дубль қайд этди (2:2).
Мемфис Депайнинг иккита голи Нидерландияга устунликни тақдим этди, аммо улар ўйин охирида ўтказиб юборилган голларни эвазига ғалабани қўлдан чиқаришди.
Бироқ учрашув давомида Депай учун ёқимли воқеа юз берди. Унинг терма жамоа учун урган голлари сони 36тага етди. Бу натижа билан у жамоанинг собиқ ҳужумчиси Руд ван Нистелройни (35) ортда қолдирди ва ҳозирда Голландия терма жамоаси тарихидаги энг яхши тўпурарлар рўйхатида Арьен Роббен ва Деннис Бергкамп билан тенглашди.
Депай бу борада фақат Патрик Клюйверт (40), Класс-Ян Хунтелаар (42) ва Робин ван Персидан (50) ортда қолмоқда.
