Hujumchi Chernorgoriya terma jamoasiga qarshi o‘yinda dubl qayd etdi (2:2).

Memfis Depayning ikkita goli Niderlandiyaga ustunlikni taqdim etdi, ammo ular o‘yin oxirida o‘tkazib yuborilgan gollarni evaziga g‘alabani qo‘ldan chiqarishdi.

Biroq uchrashuv davomida Depay uchun yoqimli voqea yuz berdi. Uning terma jamoa uchun urgan gollari soni 36taga yetdi. Bu natija bilan u jamoaning sobiq hujumchisi Rud van Nistelroyni (35) ortda qoldirdi va hozirda Gollandiya terma jamoasi tarixidagi eng yaxshi to‘purarlar ro‘yxatida Aryen Robben va Dennis Bergkamp bilan tenglashdi.

Depay bu borada faqat Patrik Klyuyvert (40), Klass-YAn Xuntelaar (42) va Robin van Persidan (50) ortda qolmoqda.