Кеча Қозоғистонда мамлакат чемпиони “Шахтёр” ва Кубок соҳиби “Ордабаси” ўртасида суперкубок баҳси бўлиб ўтди. Унда чимкентликлар рақибини 1:0 ҳисобида доғда қолдириб, илк марта суперкубокни қўлга киритишди.

Биринчи бўлимда жамоалар атиги бир мартадан голга тортадиган вазиятни юзага келтиришди ва ундан фойдалана олишмади. Иккинчи 45 дақиқаликда эса жамоалар фаоллашишди ва 58-дақиқада Қайрат Аширбеков аниқ зарба билан “Ордабаси” уюштирган комбинацияни самарали якунлади.

Шундан сўнг Қозоғистон чемпиони ташаббусни қўлга киритиб, кўплаб вазиятларни яратди. Аммо гол уриш уларга насиб этмади.

Эслатиб ўтамиз, бу жамоаларни ўзбек мухлисларига яхши таниш бўлган Виктор Пасулько (“Ордабаси”) ва Виктор Кумиков (“Шахтёр”) бошқариб боришмоқда.