Сербия терма жамоаси футболчиларига бериладиган мукофот пуллари миқдори маълум бўлди.
"Blick" нашри хабарига кўра, сербиялик футболчиларнинг ҳар бири ЖЧ-2022 йўлланмасини қўлга киритгани учун 1 миллион евродан мукофот пули олишади. Бу совғани шахсан мамлакат президенти Александр Вучич терма аъзоларига топширади.
Эслатиб ўтамиз, Португалия – Сербия баҳсининг (1:2) 90-дақиқасида Александр Митрович томонидан киритилган гол ўйиндаги меҳмонларнинг ғалабасини таъминлади. Бу натижа билан серблар ўз гуруҳида Португалияни ортда қолдириб жаҳон чемпионатига тўғридан-тўғри йўлланмани қўлга киритди.
