Франциялик афсонавий ҳужумчи Терри Анри бу йилги “Олтин тўп” фаворитлари ҳақида ўз фикри билан ўртоқлашди. Лондоннинг “Арсенал” клуби собиқ футболчиси икки ҳамюртини алоҳида таъкидлади.
“Мен мукофот Канте ёки Бенземага берилишини истайман. Ўтган йили Левандовски “Олтин тўп”ни қўлга киритган эди, бу ҳақда ҳатто муҳокама ҳам йўқ. Даъвогарлар қаторида Жоржиньони ҳам эътироф этиш мумкин. У Италия терма жамоаси билан Европа чемпиони бўлди. Лионель Мессини ҳам унутманг”, - дейди Терри.
Эслатиб ўтамиз, “Олтин тўп”ни тақдирлаш маросими 29 ноябрь, душанба кунига белгиланган.
