Африка қитъасида ҳам ЖЧ-2022 саралаш босқичи доирасида учрашувлар ўтказилмоқда. Бу баҳслар ва уларнинг атрофларида ғалати ишлар бўлмоқда.

— ЖЧ саралаш баҳслари Африкада ўзига хос тарзда ўтмоқда. Яқинда Конго жамоаси ўйинда ўзгариш қилиш тартибида адашганини билдингиз. Лекин бу воқеа бошқалари олдида ҳеч нарса эмас.

— Жазоир терма жамоаси Буркина-Фасони сеҳргарлар хизматидан фойдаланганликда айблади. Бунга жавобан улар бошқа “мутахассис” ёллаб, сеҳр-жодуни ечиш ишларини амалга оширибди.

— Танзания ўйин ўтказиш учун Мадагаскарга борган. Ярим кечаси Танзания ётган отелга ҳарбийлар бостириб кириб, тинтув ўтказган. Сабаби - отель мижозларидан бирида шубҳали ковид тестлари бўлгани аниқланган.

— Ангола билан ўйинда Миср юлдузи Муҳаммад Салоҳни мухлислар тинч қўйишмаганди. Натижада Салоҳ тансоқчилар хизматига мурожаат қилган. Энди уни кийим алмаштириш хонасида, машғулотда, ўйиндан кейин иккита соқчи қўриқлаб юрибди.