“Transfermarketweb” нашри хабарига кўра, “Арсенал” марказий ҳужумчиси Пьер-Эмерик Обамеянгга Европанинг икки топ клуби қизиқиш билдирмоқда.
Манбанинг ёзишича, Каталониянинг “Барселона” ва “Манчестер Сити” жамоалари габонлик футболчига қизиқиш билдирмоқда. Иккала клуб ҳам 32 ёшли африкалик футболчининг январдаги трансфер ойнасида ўз сафига таклиф қилмоқчи. Қайд этилишича, “шаҳарликлар” “канонирлар” раҳбарияти билан боғланиб улгурган.
Обамеянгнинг бозор қиймати 25 миллион еврога баҳоланмоқда. Пьер-Эмерикнинг лондонликлар билан тузган шартномаси муддати 2023 йилнинг ўрталарига қадар амал қилади.
