"Манчестер Юнайтед" клуби футболчиси Поль Погба ижтимоий тармоқларда ўз жароҳати ҳақида ёзиб қолдирди. У Twitter саҳифасида шундай дейди:
"Жилмайишда давом этинг. Ҳамма нарсанинг ҳикмати бор. Биз омадлимиз ва яна майдонга қайтамиз. Ўз юришимизни давом эттирамиз. Мени қўллаб-қувватлаган барчага ўз муҳаббатим ва чексиз ҳурматимни билдириб қоламан. Яратган насиб қилса, биз тез орада яна учрашамиз".
28 ёшли француз Франция терма жамоаси билан машғулот вақтида жароҳат олган эди. У ҳозирда Дубай шаҳрида, иссиқ муҳитда реабилитация қилинмоқда.
