Ўтган ҳафта Испания ОАВлари “Барселона”нинг янги бош мураббийи Хави Эрнандес “Ливерпуль” етакчиси Муҳаммад Салоҳ атрофида Каталония клубининг янги тарихини қурмоқчи эканлигини эълон қилиб, футбол жамоатчилигини ҳайратда қолдирганди.
Маълум бўлишича, кўпчиликнинг шубҳаларига қарамай, воқеаларнинг бундай ривожланиши ҳақиқатанга айланиши мумкин. Бу ҳақда “El Nacional” нашри хабар бермоқда.
Манбага кўра, Салоҳнинг ўзи ҳам худди шундай қадам ташлашга ва келаси ёзда Ла лигага ўтишга қарши эмас.
Эслатиб ўтамиз, мисрлик “Ливерпуль”дан ҳафтасига 500 минг евро маош талаб қилган. Мерсисайдликлар эса бу суммани бермоқчи эмас. Шу сабаб, янги шартнома борасида ҳали келишувга эришилмаган.