"Милан" ярим ҳимоячиси Франк Кесси "Пари Сен-Жермен" қизиқишлари доирасида, дея хабар берди "Foot mercato" нашри.
Париж клуби шу мавсум якунида "россонерилар" билан амалдаги шартномаси якунига етадиган футболчига асосий даъвогар бўлиб турибди. Улар Кесси билан дастлабки оғзаки келишувга эришишга яқин, дея қўшимча қилган манба.
Қайд этилишича, кот-д'Ивуарлик ярим ҳимоячи айни вақтдаги маошини (2.2 миллион евро) 9 миллион еврогача кўтаришга қарор қилган. "Милан" унга 6 миллиондан кўпроқ пул тўламоқчи эмас.
Жорий мавсум 24 ёшли Франк миланликлар сафида 12 ўйин ўтказиб, 2та гол урди.
