"Ньюкасл" ўзига дарвозабон излашда давом этмоқда. Хабарларга кўра, клуб раҳбарияти "Барселона" дарвозабони Марк-Андре тер Штегенни ўз таркибига жалб этиш мақсадида.
Немис посбони каталонияликларнинг энг асосий футболчиларидан биридир. У узоқ муддат давомида барқарор ўйин кўрсатиб келмоқда. Таъкидланишича, "қарғалар" раҳбарияти тер Штеген учун расмий таклиф юборган.
Германия терма жамоаси аъзоси "Ньюкасл"нинг амалдаги посбони Мартин Дубравка ҳамда Карл Дарлов ўрнига келтирилади. Аввалроқ клуб "МЮ" дарвозабони Дин Хендерсон трансферига қизиқаётгани ҳақида хабар қилинган эди.
