Англия Премьер лигасида ўзини кўрсата олмаётган ивуарлик Николя Пепе Италия чемпионатига ўтиши мумкин. “Il Milanista” нашри хабарига кўра, миланликлар африкалик футболчи билан шартнома имзолашни мўлжалламоқда.
“Арсенал” клуби Пепе учун сарфланган пулни қайтариш учун ундан хайрлашишга тайёр. “Канонирлар” Николяни 80 миллион евро эвазига сотиб олишди.
Манбага кўра, “россонерилар” келаси трансфер мавсумида сотиб олишни мўлжаламоқда.
Маълумот ўрнида, Пепе жорий мавсумда АПЛнинг 9 та учрашувида қатнашиб, 1 та гол уришга эришган.
